Шкулсенче, аслӑ вӗрентӳ заведенийӗсенче Иван Яковлевич Яковлев юбилейне сумлăн паллă тăваҫҫӗ. Унăн пурнӑҫӗпе тата пултарулӑхӗпе паллаштарас тӗллевпе тӗрлӗ мероприяти йĕркелеҫҫӗ. Шупашкар муниципалитет округĕнчи вĕрентÿ учрежденийĕсем çак ĕçре уйрăмах хастарлăх кăтартаççĕ. Чăваш наци конгресĕн президенчĕ Валерий Клементьев çакна Тренккассинчи Дмитрий Семенов Герой ячĕпе хисепленекен шкулти сумлă уявра палăртрĕ. Кунта Педагог тата наставник, Телейлӗ ачалӑх, И.Я. Яковлев ҫуралнӑранпа 175 ҫул ҫитнине халалласа округ шайӗнче ирттернӗ конкурссемпе мероприятисене пӗтӗмлетекен "Пултарулӑх ҫӑлкуҫӗ" уяв çÿллĕ шайра иртрĕ.

Олег Цыпленков сăн ÿкерчĕкĕсем